შეხვედრა დავით მაღრაძესთან
პრემია „საგურამოს“ კიდევ ერთი ლაურეატი, საქართველოს სახელმწიფო ჰიმნის ტექსტის ავტორი, ნობელის პრემიის ნომინანტი ლიტერატურის დარგში, ლექსების კრებულების ავტორი: „ექო“, „შენთვის“, „შეჩერდი წამო“, „ქარი ფოთლების ბილეთს არიგებს“, „ნიკალა“ და უბრალოდ შესანიშნავი ადამიანი.
15 მაისს, ილია ჭავჭავაძის საგურამოს სახელმწიფო მუზეუმის სივრცე პოეტ დავით მაღრაძეს და მის შემოქმედებას დაეთმო. დავით მაღრაძეს 2005 წელს მიენიჭა პრემია „საგურამო“ პოეზიის დარგში, ამ დროიდან ის აქტიურად მეგობრობს და თანამშრომლობს ილიას მუზეუმთან. შეხვედრას ესწრებოდნენ მცხეთის რაიონის საჯარო სკოლის მოსწავლეები.
შეხვედრების სერია პრემია „საგურამოს“ ლაურეატებთან გრძელდება, რომლის ფარგლებშიც ილია ჭავჭავაძის საგურამოს სახელმწიფო მუზეუმი უამრავ საინტერესო სიახლეს შემოგთავაზებთ.